युवराज खतिवडा एमसिसीको हेड क्वार्टरमा नियुक्त

सरकारले मुख्यसचिवमा शंकरदास बैरागीलाई नियुक्त गरेको छ । भर्खरै सम्पन्न क्याबिनेट बैठकले मुख्यसचिव लोकदर्शन रेग्मीको राजीनामा स्वीकृत गरेर परराष्ट्र सचिव बैरागीलाई मुख्यसचिवमा बढुवा गरेको हो ।

यस्तै सरकारले निवर्तमान अर्थमन्त्री र लगत्तै प्रधानमन्त्रीको बिशेष आर्थिक सल्लाहकार बनाइएका डा.युवराज खतिवडालाई अमेरिकाका लागि राजदूत तोकेको छ । बेलायतका लागि जनआस्थाले एक महिनाअगाडि लेखेको समाचार पुष्टि हुनेगरी लोकदर्शन रेग्मी राजदूत तोकिएका छन् ।

आजको बैठकमा समावेशी सहभागिताको कुरा उठेकैले कोरिया,ब्राजिल लगायतका देशमा राजदूत तोकिन सकेन । यसका लागि भोलि फेरि बैठक बस्न सक्ने बताइन्छ ।