सुरक्षा गोष्ठीअघि गृहमन्त्री क्रिकेट मैदानमा

गृहमन्त्री रमेश लेखक आज काठमाडौंबाट भैरहवा जाँदै हुनुहुन्छ । उहाँ लुम्बिनी प्रदेशस्तरीय सुरक्षा गोष्ठीलाई सम्बोधन गर्न दिउँसो साढे २ बजे बुद्ध एअरको उडानमा त्यता जाने कार्यक्रम रहेको बुझिएको छ ।

उहाँ पर्सि दिउँसो मात्रै राजधानी फर्कनुहुने छ । भैरहवा जानुअघि गृहमन्त्री बिहान कीतिपुर जानुभएको छ । त्रिभुवन विश्वविद्यालय क्रिकेट मैदानमा भइरहेको एनपीएलको खेल अवलोकन गर्न उहाँ बिहान ९ बजेपछि त्यता जानुभएको बताइन्छ।

कर्णालीको राजधानी सुर्खेतमा गतसाता आयोजित सुरक्षा निकायहरुको प्रदेशस्तरीय संयुक्त गोष्ठीमा पनि गृहमन्त्री लेखक पुग्नुभएको थियो ।