भुटानी अधिराजकुमारीको १० दिनपछि स्वदेश फिर्ती
भुटानी अधिराजकुमारी खेसाङ वाङमो वाङचुक आज स्वदेश फर्केकी छन् । उनी ड्रुक एअरको उडान नम्बर केबी ४०१ मा बिहान साढे १० बजे काठमाडौंबाट पारो प्रस्थान गरेको बताइन्छ ।
श्रीमान सोनाम तासीसहित उनी मंसिर २४ गते नेपाल आएकी थिइन् । १० दिनपछि स्वदेश फर्केकी उनको भ्रमणबारे विस्तृत रुपमा केही बताइएको छैन ।
मंसिर २१ गते शुक्रबार राजा र ११ गते शनिबार भुटानी रानी काठमाडौं आएका थिए । राजा नयाँ दिल्लीबाट बिहान आएर स्वयम्भूनाथ र बौद्धनाथको दर्शनपछि अपरान्ह स्वदेश फिर्ता भएका थिए । रानी दोहाबाट काठमाडौं आएर केहीबेर त्रिभुवन अन्तर्राष्ट्रिय विमानस्थलको ट्रान्जिटमा बसेपछि लगत्तै पारो गएकी थिइन् ।
टिप्पणीहरू