वरिष्ठको पुस्तक बिमोचन पूर्व राष्ट्रपतिका हातबाट
नेकपा एमालेका वरिष्ठ उपाध्यक्ष इश्वर पोखरेलद्वारा लिखित 'आमा,सपना र ताराहरु' नामक कृति आज सार्वजनिक हुँदैछ । कमलादीस्थित नेपाल प्रज्ञा प्रतिष्ठानमा दिउँसो एक बजे पुस्तक विमोचन गर्ने कार्यक्रम तय भएको छ ।
सांग्रिला बुक्सले प्रकाशन गरेको उक्त पुस्तकबारे केही महिना अघिदेखि नै चर्चा थियो । निकै ठूलो धनराशी खर्च गरेर बजारमा ल्याउन लागिएको पुस्तक विमोचनबारे पनि उस्तै कौतुहलता थियो ।
केपी शर्मा ओली अध्यक्ष भएयता एमाले नेताहरुले लेखेको पुस्तक प्रायः उहाँले नै विमोचन गरेकाले इश्वरको यो कृति पनि ओलीबाटै नै लोकार्पण हुने धेरैले अनुमान लगाएका थिए । तर,ओलीले नभई पूर्वराष्ट्रपति तथा एमालेका पूर्वउपाध्यक्ष विद्यादेवी भण्डारीले पुस्तक विमोचन गर्ने तय भएको छ ।
प्रकाशन संस्थाले भण्डारीलाई प्रमुख अतिथि बनाएर कार्यक्रम तालिका सार्वजनिक गरेको हो ।
टिप्पणीहरू