प्रचण्डको छेउमा पूर्व उपराष्ट्रपति
नेकपा माओवादी केन्द्रको केन्द्रीय समितिको बैठक शुरु भएको छ । धुम्बाराहीस्थित स्मार्ट दरबार ब्याङ्क्वेटमा आयोजित बैठकमा अध्यक्ष पुष्पकमल दाहाल प्रचण्डले समसामायिक राजनीतिक घटनाक्रमबारे ब्रिफिङ गरिरहनुभएको छ ।
उहाँको धारणापछि प्रदेश अध्यक्षहरुले संक्षिप्त रिर्पोटिङ गर्ने र त्यसपश्चात् प्रचण्डले राजनीतिक प्रतिवेदन पेश गर्ने कार्यक्रम रहेको बताइएको छ ।
बैठकमा पूर्व उपराष्ट्रपति नन्दकिशोर पुनको पनि उपस्थिति छ । सक्रिय राजनीतिमा फर्किन लागेको चर्चा चलिरहँदा पुनलाई अध्यक्ष प्रचण्डसँगै बायाँ सिटमा राखिएको छ । दायाँ सिटमा उपाध्यक्ष नारायणकाजी श्रेष्ठ छन् ।
पर्सिसम्म चल्ने बैठकमा पार्टीको आगामी कार्यदिशा, कार्यक्रम र योजना, कार्यविभाजनलगायत विषयमा छलफल र निर्णय गरिँदै छ ।
टिप्पणीहरू