कीर्तिपुरको भीरबाट गाडी खस्यो, चार जना घाइते
कीर्तिपुरमा आज बिहानको हाइलक्स गाडी दुर्घटनामा चार जना घाइते भएका छन् । शिक्षा तथा मानव स्रोत केन्द्रको लु.३ फ ३२५ नम्बरको गाडी सडकबाट करिब एक सय मीटर तल भीरमा झरेको बताइन्छ ।
प्रहरीका अनुसार दुर्घटनामा चालक जनक खत्रीसहित चारजना घाइते भएका छन् । अरु घाइतेमा कीर्तिपुरकी ४७ वर्षीया सम्झना देवकोटा, मध्यपुर ठिमीका ४७ वर्षीय विजय सत्याल र रुकुमका ३३ वर्षीय शंकर बुढाथोकी हुन् । घाइतेहरुको स्वास्थ्य अवस्था खतरामुक्त रहेको जनाइएको छ ।
टिप्पणीहरू