पाकिस्तानी राजदूत र भारतीय दूतावासका उपनियोग प्रमुखको विदेशबाट आगमन

नेपालका लागि पाकिस्तानी राजदूत अब्रार हुसेन हाश्मी काठमाडौं फर्कनुभएको छ । स्वदेश जानुभएको उहाँ कतार एअरवेजको उडान नम्बर क्युआर ६४६मा साँझ सवा ५ बजे दोहा हुँदै आइपुग्नुभएको हो ।

त्यस्तै काठमाडौंस्थित भारतीय दूतावासका डेपुटी चिफ अफ मिसन प्रसन्न श्रीवास्तव नयाँ दिल्लीबाट फर्केको बताइन्छ । उहाँ एअर इण्डियाको उडान नम्बर एआई २१५ मा दिउँसो साढे ३ बजे त्रिभुवन अन्तर्राष्ट्रिय विमानस्थलमा ओर्लनुभएको हो ।