डा.निकोलशको बयान शंकर श्रीमानको बेन्चमा

‘जान्नेलाई छान्ने’ पार्टीका सभापति रवि लामिछानेको प्रहरी हिरासतमा रहेको तस्बिर खिचेर सार्वजनिक गर्ने डा.निकोलश भुसालको आज कास्की जिल्ला अदालतमा बयान हुने भएको छ । विद्युतीय (इलेक्ट्रोनिक) कारोबारसम्बन्धी ऐनअन्तर्गतको कसूरमा न्यायाधीश शंकरबहादुर राईको इजलासमा बयान हुन लागेको हो । 

उनीविरुद्ध हिजो अदालतमा मुद्दा दर्ता भएको हो । गत कात्तिक २ गते वनस्थलीस्थित पार्टी कार्यालयबाट समातिएका रवि कास्की प्रहरीको हिरासतमा सुतिरहेको तस्बिर भाइरल बनेको थियो । त्यसपछि रास्वपानिकट डा.भुसालले आफ्नो फेसबुकमा लाइभ आएर आफूले तस्बिर खिचेको बताएका थिए।

उनलाई पुस ७ गते प्रहरीले पक्राउ गरेर म्याद थपका लागि अदालत उपस्थित गराए पनि न्यायाधीश नवराज दाहालको इजलासले म्याद थप्न अस्वीकार गर्दा छुटेका उनी सोही अभियोगमा पक्राउ परेका थिए ।