रुसी एसयु–३५ लडाकू जेट विमान किन्दै इरान

इरानले रुसबाट एसयु–३५ लडाकू जेट विमानलगायतका हतियार खरिद गर्ने भएको छ । इरानी इस्लामिक रिभोलुशनरी गार्ड कर्प्सका एक जना वरिष्ठ कमाण्डरलाई उद्धृत गर्दै प्रकाशित समाचारहरुमा अमेरिकालगायत पश्चिमा मुलुक र इजरायलसँग तनाव बढ्दै गरेको अवस्थामा इरानले रुसी लडाकू जेट विमान ल्याउन लागेको उल्लेख छ ।

मस्को र तेहरानबीच सैन्य सहयोग बढाउने सहमतिसँगै इरानले किन्न लागेको लडाकू विमानको संख्याबारे भने केही बताइएको छैन । जेट विमान खरिदको सहमति सन् २०२३ को नोभेम्बरमा मस्कोमा दुई मुलुकका राष्ट्रपतिबीच भएको थियोे । 

इरानसँग रहेका लडाकू विमानहरु सन् १९७९ अघिका रुसी र अमेरिकी हुन् । अब एसयु ३५ को प्रयोगपछि इरानको हवाई प्रतिरक्षा थप सुदृढ हुने विश्लेषण गरिएको छ ।

ता अमेरिकाले इरानले युक्रेन युद्धमा रुसलाई सैन्य सहयोग गरेको आरोप लगाउँदै आएको छ । अमेरिकाका अनुसार इरानले रुसलाई ड्रोन र अन्य बन्दोबस्तीका सामान उपलब्ध गराएको छ ।