नेकपामा पत्रयुध्द

“जनताका समस्याप्रति मतलव छैन,खाली अहंकार ?”,कार्यकारी अध्यक्ष प्रचण्डले अर्का अध्यक्ष केपी ओलीलाई हिजो उहाँले सबैलाई सम्बोधन गर्दै पठाउनुभएको पत्रको काउण्टर दिँदै आज अर्को पत्र सचिवालय बैठकसमक्ष पेश गर्नुभएको छ । सङ्गै उहाँले “पार्टीमा देखिएको गम्भीर संकट र समाधानको निकास”वारे यौटा छुट्टै प्रस्तावसमेत प्रस्तुत गर्नुभएको आजको बैठक बिस्तृत अध्ययनको नाममा मङ्ग्सिर तीन गते दिउँसोसम्मलाई सरेको छ ।

लामो समयदेखि बैठक नबसेको र समस्या समाधानार्थ स्थायी समिति बैठक माग गरिएकोमा “यहीँ छलफल भएको छैन,अहिल्यै के को स्थायी समिति ?” भन्दै तिहारपछिलाई प्रधानमन्त्रीले बैठक सार्नुभएको बताइन्छ । सचिवालयमा पेश नभई एजेण्डा बाहिर लाने ? भन्दै प्रधानमन्त्री शुरुमै पड्कनुभएको श्रोतले जनाएको छ ।

“विषय धेरै छन्,अहिले पढेर सकिन्न”-बैठक सार्न ठूलो भोल्युमको अध्यक्षको प्रस्ताव नै काफी भएको बालुवाटारमा गाइँगुइँ छ । तर,खुमल्टार श्रोतले भने यसलाई सचिवालय सदस्यहरुवीच चलखेल गर्न बालुवाटारले टाइम बाइ गर्ने हतियारको रूपमा लिएको भनी अर्थ्याएको छ ।