लागुऔषध कारोबारी पक्राउ

काठमाडौं महानगर–१७, ढल्कोस्थित सार्वजनिकस्थलमा लागु औषध बिक्री वितरणको तयारी गरिरहेको अवस्थामा प्रहरीले दुई जनालाई हिजो पक्राउ गरेको छ ।

सुराकीको आधारमा NITRAVAT 10 लागू औषध २ हजार २ सय ५० थान बिक्री गर्ने उद्देश्यले ल्याउँदै गरेको अवस्थामा विशेष सुराकीको आधारमा रौतहट जिल्ला बौदिमाई नगरपालिका ५ घरभई हाल ढल्को बस्ने ३२ वर्षका शेष सदरी आलम र सोही जिल्ला यमुनामाई गाउँपालिका वार्ड नं. ३ घर भई ढल्को बस्ने वर्ष ३२ का शेष समिउल्लाह पक्राउ परेका हुन् ।

उनीहरुलाई अपराध अनुसन्धान महाशाखाबाट खटेको विशेष टोलीले पक्राउ गरी कानुनी कारबाहीको लागी महानगरीय प्रहरी परिसर काठमाण्डौ पठाइएको छ । प्रहरीले उनीहरुको साथमा रहेको २ थान मोबाइल पनि बरामद गरेको छ ।