कोमल वली अदालत जाँदै

राष्ट्रिय सभाकी सांसद कोमल वलीले आज एमाले नेता रघुजी पन्तविरुद्ध मुद्दा दायर गर्ने भएकी छन् । पन्तले आफूविरुद्ध सार्वजिनकस्थलमा अश्लिल शब्द प्रयोग गरी चरित्रमाथि नै प्रश्न उठाएको आरोप लगाउँदै उनले मुद्दा दायर गर्न लागेको बताइएको छ ।

उनले अहिले बिहान साढे ११ बजे बबरमहलस्थित काठमाडौं जिल्ला अदालतमा पन्तविरुद्धको मुद्दा दायर गर्न लागेको स्रोतले बताएको छ ।

अघिल्लो शनिबार राजधानीमा आयोजित नेकपाको एउटा कार्यक्रममा नेता पन्तले साडी माथि उचाल्दै गोरा पिँडुला देखाएर पोइल जान पाम भन्ने गीत गाएको भरमा प्रधानमन्त्री केपी ओलीले राष्ट्रिय सभाको सांसद बनाएको आरोप लगाएको भन्दै वलीले पन्तको धारणाबाट आफ्नो चरित्रमाथि नै प्रश्न उठाइएको बताउँदै आएकी छन् ।