हात्ती हेर्न गएका १६ जनालाई जंगली माहुरीले चिल्यो, सबै घाइते
चितवनमा आज साँझ चितवन राष्ट्रिय निकुञ्जको हात्ती हेर्न गएका १६ जनालाई जंगली खाग माहुरीले टोक्दा सबै घाइते भएका छन् ।
निकुञ्जको सेक्टर कार्यालयको कम्पाउण्डभित्र हात्ती हेर्न गएकालाई माहुरीको हुलले चिलेर घाइते बनाएपछि सबैको स्थानीय अस्पतालमा उपचार गरिएको छ ।
घाइते हुनेमा ३ वर्षदेखि ६५ वर्ष उमेरसम्मका छन् । घाइतेमध्ये नौ जना महिला र सात जना पुरुष छन् । दुई जना ६० वर्ष उमेरका र चार जना १० वर्ष उमेर मुनिको रहेको प्रहरीले जनाएको छ ।
ती सबै सिन्धुलीका बासिन्दा भएको बुझिएको छ ।
टिप्पणीहरू