मकवानपुरमा हावा हुण्डरी, रुखको हाँगाले किचेर अधबैंशेको मृत्यु

आज साँझको हावाहुरीले भाँचेको रुखको हाँगा लागेर मकवानपुरको मनहरी गाउँपालिका ६, रुपाचुरीमा एक अधबैंशेको ज्यान गएको छ ।

भाँचिएको हाँगा लागेर रुपाचुरीका ४८ वर्षीय बुद्धिबहादुर घलानको घटनास्थलमै ज्यान गएको हो । स्थानीय चिलाउनेटार सामुदायिक वन उपभोक्ता समूहको क्षेत्रमा भइरहेको रुखको कटानी र वन पैदावार संकलन कार्यमा घलान केही दिनदेखि खटिँदै आएका थिए ।

आज पनि सोही कामबाट फर्कने क्रममा हावाहुरीले भाँचेको हाँगाले थिच्दा उनको ज्यान गएको स्थानीयबासी गोपीराज घलानले जानकारी दिए ।