अन्तिम नगरपालिकामा एमाले विजयी

बाजुराको बूढीगंगा नगरपालिकामा नेकपा (एमाले) का उम्मेदवार रामबहादुर बानियाँ मेयर चुनिएका छन् । उपप्रमुखमा पनि एमालेकै माया कुँवर विजयी भइन् ।

बानियाले प्रमुख प्रतिद्वन्द्वी नेपाली काँग्रेसका रंगबहादुर खातीभन्दा एक हजार तीन मत बढी ल्याएका छन् । उनले चार हजार ७७७ र खातीले तीन हजार ७७४ मत प्राप्त गरेको बूढीगंगाका निर्वाचन अधिकृत लक्ष्मण कठायतले जानकारी दिए ।

उपप्रमुखमा एमालेकी मायाकुमारी खड्काले चार हजार ७२७ मत र नेपाली काँग्रेसकी रिता शाहीले तीन हजार ७५५ मत पाएकी छन् । एमाले वडा नम्बरहरु १, २, ३, ५, ६, ९ र १० मा विजयी भएको छ । काँग्रेसलाई ४,७ र ८ मा विजय हात लागेको छ ।

यसअघि वैशाख ३० गते भएको मतदान रद्ध गरेपछि बूढीगंगामा गत बिहीबार दोस्रो पटक निर्वाचन भएको हो ।