लिङ्देनलाई छाडेकाहरु भोलि थापाकोमा जाने

राजेन्द्र लिङ्देन नेतृत्वको राप्रपा छाडेका नेताहरू भोलि कमल थापाको राप्रपा नेपालमा प्रवेश गर्ने भएका छन् । हिजो मात्रै राप्रपाबाट बाहिरिएका नेताहरू दिलनाथ गिरी, दिलविकास राजभण्डारी, श्याम तिम्सिना, दमन बस्नेत र केशवराज श्रेष्ठलगायत नेताहरू राप्रपा नेपालमा प्रवेश गर्न गर्न लागेका हुन् ।

राप्रपा नेपालले नेताहरूलाई पार्टीमा स्वागत गर्न भोलि पार्टी प्रवेश कार्यक्रमको आयोजना गरेको बताइएको छ ।  लिङ्देन नेतृत्वको राप्रपा छाडेका नेताहरू बाहेक विभिन्न पार्टी र समूहका व्यक्तिहरू पनि भोलि नै पार्टी प्रवेश गर्ने कार्यक्रम रहेको जानकारी दिइएको छ ।