सुनिता बराल विदेश हिँडेपछि एमाले अखिलको अध्यक्षमा आरसी

नेकपा एमालेको विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) को कार्यवाहक अध्यक्ष आरसी लामिछानेलाई बनाइएको छ । अध्यक्ष सुनिता बराल विदेश जाने भएपछि लामिछानेलाई कार्यवाहक अध्यक्षको जिम्मेवारी दिइएको हो ।

अध्यक्ष बरालले आज उक्त जानकारी गराएकी हुन् । आफू केही दिनका लागि काम विशेषले मुलुक बाहिर जानुपर्ने भएकाले अनुपस्थित अवधिभर अनेरास्ववियुको सम्पूर्ण कारवाहीको जिम्मा कार्यवाहक अध्यक्षलाई दिएको उनले बताएकी हुन् ।

‘म केही दिनका लागि काम विशेषले देश बाहिर जानुपर्ने भएको हुँदा मेरो अनुपस्थितिमा यस अवधिभर संगठनको सम्पूर्ण कामकारबाही गर्नुहुन कार्यवाहक अध्यक्षलाई जिम्मेवारी प्रदान गरेकी छु’, जरी सूचनामा भनिएको छ ।

लामिछाने अनेरास्ववियुका वरिष्ठ उपाध्यक्ष हुन् ।