संसदीय समितिले पर्सि प्रतिवेदन सार्वजनिक गर्ने

बजेट निर्माणका क्रममा करको दर हेरफेरमा अनधिकृत व्यक्तिलाई संलग्न गराएको आरोपमा पूर्वअर्थमन्त्री जनार्दन शर्मामाथि छानबिन गरिरहेको संसदीय समितिले शुक्रबार प्रतिवेदन बुझाउने तयारी गरेको छ ।

आज सिंहदरबारमा बसेको समिति बैठकले प्रतिवेदन लेखनका बारेमा छलफल गरेको र भोली प्रतिवेदनलाई अन्तिम रूप दिएर शुक्रबार बुझाउने तयारी गरेको समितिका सचिव सुरेन्द्र अर्यालले बताए ।

समितिभित्र प्रतिपक्षी र सत्तारुढ सांसदहरुबीच दुईथरी मत रहेको भनिएका बेला अर्यालले भने प्रतिवेदनमा समान धारणा आउने दाबी गरे । तर, छलफलका क्रममा आएका फरक मतमा समेत सहमति खोजिने उनले बताए ।