समाजवादीमा उम्मेदवार छान्ने जिम्मा बेदुरामलाई, घोषणापत्र लेख्न तीन जनाको समिति

सत्तारुढ एकीकृत समाजवादीले संघ र प्रदेशको चुनावका लागि घोषणा पत्र तयार गर्न र उम्मेदवार छनोटको मापदण्ड बनाउन समिति गठन गरेको छ ।

आज पार्टी कार्यालय, आलोकनगरमा बसेको सचिवालय बैठकले घोषणापत्र तयारी समितिमा नेताहरू प्रकाश ज्वाला, गंगालाल तुलाधार र विजय पौडेललाई तोकेको छ ।

त्यस्तै, उम्मेदवार छनोटको मापदण्ड र विधिबारे प्रस्ताव तयार पार्ने जिम्मेवारी महासचिव बेदुराम भुसाललाई दिएको छ । निर्वाचन आयोगमा दल दर्ता गराउने मुख्य जिम्मेवारी उपमहासचिव गंगालाल तुलाधरले पाएका छन् ।

निर्वाचन सम्बन्धी निर्देशिका तयार गर्ने जिम्मा पार्टीको कानुन विभागलाई दिइएको छ ।