निर्वाचन आचारसंहिता उल्लंघनमा कमी आएको मानव अधिकार आयोगको ठहर

राष्ट्रिय मानव अधिकार आयोग, मधेश प्रदेशले अघिल्लो निर्वाचनको तुलनामा आचारसंहिता उल्लंघनमा कमी आएको निष्कर्ष निकालेको छ । आयोगले यस पटकको निर्वाचनमा तडकभडक, आमसभा र जुलुसमा कमी आएको बताएको छ ।

आचारसंहिता उल्लंघनमा कमी आए पनि अनुगमनको क्रममा भारतीय नम्बर प्लेटका गाडीहरु प्रचारप्रसारका लागि प्रयोग भएको पाइएको आयोगले जनाएको छ ।  त्यस्तै, अधिकांश मतदान केन्द्र विद्यालयमा राखिएकोतर्फ ध्यानाकर्षण भएको जनाइएको छ ।

उता आदिवासी जनजाति आयोगका अध्यक्ष रामबहादुर थापामगरले निर्वाचनका कारण बालबालिका विद्यालय जान नपाएको विषयलाई गम्भीर रुपमा लिनुपर्नेमा जोड दिएका छन् ।