सयौं मोटरसाइकल प्रहरी नियन्त्रणमा, चार पाङ्ग्रे न्यून

आजको निर्वाचनमा अनुमती नलिइ चलाइएका १३ सयभन्दा बढी मोटरसाइकललाई ट्राफिक प्रहरीले नियन्त्रणमा लिएको छ । 

ट्राफिक प्रहरी प्रवक्ता राजेन्द्रप्रसाद भट्टका अनुसार मध्यान्ह सम्ममा राजधानी उपत्यकामा मात्रै एक हजार ३४९ वटा मोटरसाइकल र ८७ वटा चार पाङ्ग्रे सवारीलाई नियन्त्रणमा लिइएको हो ।

तोकिएको पास वा कागजात नभएका त्यस्ता सवारी साधनलाई नियन्त्रणमा लिइएको र साँझ सम्बन्धित व्यक्तिलाई हस्तान्तरण गरिने बताइएको छ ।