समानुपातिकमा एमालेको अग्रता कायमै,४० हजार मतले काँग्रेस पछाडि
प्रत्यक्ष निर्वाचनको मतगणनामा नेपाली काँग्रेस अगाडि भए पनि आज बिहानसम्म प्रतिनिधि सभातर्फको समानुपातिक मतगणनामा नेकपा एमालेले आफ्नो अग्रता कायम गरेको छ ।
उसले अहिलेसम्म ९ लाख ३५ हजार ७ सय ६ मत पाएको निर्वाचन आयोगले जनाएको छ । नेपाली काँग्रेसले झण्डै ४० हजार कम ल्याएको छ । जसअनुसार ८ लाख ९६ हजार ३ सय ४१ मत छ ।
त्यसैगरी राष्ट्रिय स्वतन्त्र पार्टीले ४ लाख ५३ हजार १ ल्याउँदा नेकपा माओवादी केन्द्र ४ लाख १६ हजार ८ सय ६७ मत प्राप्त गरेर चौथो स्थानमा छ ।
राष्ट्रिय प्रजातन्त्र पार्टीले २ लाख ४२ हजार १५ मत पाएको छ । जनता समाजवादी पार्टीले १ लाख १६ हजार ४ सय ६९,जनमत पार्टीले ६९ हजार ९ सय ८९,नागरिक उन्मुक्ति पार्टीले ६६ हजार ४ सय १०, नेकपा एकीकृत समाजवादीले ६५ हजार ५ सय ५५ र नेपाल मजदुर किसान पार्टीले ५६ हजार ३ सय २० मत पाएको जनाइएको छ ।
त्यसैगरी लोकतान्त्रिक समाजवादी पार्टी नेपालले ५१ हजार ४ सय २५ मत ल्याएको छ । नेपाली पार्टीले ३० हजार ४ सय २५,राष्ट्रिय जनमोर्चाले २६ हजार २ सय ६१ र मङ्गोल नेशनल अर्गनाइजेसनले १८ हजार ३ सय १८ मत पाएको आयोगले जनाएको छ ।
टिप्पणीहरू