प्रहरीको कब्जाबाट छुटेकी बिनु भन्छिन् ‘राम्रै गरे,खाजा खुवाए’

सर्वोच्च अदालतको गेटमा रातो रङ घोलेर फालेवापत पक्राउ परेकी सोलुखुम्बूकी बिनु यादवलाई प्रहरीले रिहा गरेको छ । लामो समयदेखि न्याय नपाएको आक्रोशमा उनले सर्वोच्चको गेटमा हिजो रातो रङ घोलेर फालेपछि प्रहरीले पक्रेको थियो ।

आफूलाई अदालतबाट न्याय नमिलेको भन्दै यसअघि इजलासमै विष पिउनसमेत बाध्य भएकी विनुले प्रहरीले पक्राउ गरे पनि नराम्रो व्यवहार नगरेको र हिरासतमा आफूलाई चिया,खाजासमेत खुवाएको बताइन् ।

तर,सडकमा मेयरविरुद्ध खुलेआम खुकुरी बोकेर हिँडेकालाई पक्राउ नगरेको र आफू न्यायको निम्ति अदालतको गेटमा जाँदा प्रहरीले पक्राउ गरेकोमा भने दुःख व्यक्त गरेकी छन् । हिजो बिहान पक्राउ परेकी बिनु सात घण्टापछि साँझ रिहा भएकी हुन्  ।