केपी ओलीको दूतका रूपमा शान्ता चौधरी दाङ्गबाट सोझै सुकुम्बासी वस्ती
नेकपा (एमाले) की केन्द्रीय सदस्य शान्ता चौधरी एकाबिहानै थापाथलीस्थित सुकुम्वासी बस्ती पुगेकी छन् ।
उनी पूर्वप्रधानमन्त्री तथा अध्यक्ष केपी शर्मा ओलीको दूत बनेर त्यहाँ गएकी हुन्।
‘अहिले थापाथलीस्थित सुकुम्बासी बस्तीमा आएको छु । धेरैसँग अन्तरक्रिया गरेँ,’ चौधरीले भनिन्। उनका अनुसार थापाथलीका सुकुम्वासीहरूले आफ्नो व्यवस्थापन गरिदिन आग्रह गरेका छन्।
उनीहरू भन्छन्,‘हामीहरू यो बस्ती छाड्न तयार छौं । विकल्पबिना हामीलाई नहटाइयोस् । हुकुम्वासीको नाममा सुकुम्वासीलाई जोडेर सधैँ हाम्रो अपमान गर्ने काम नहोस् । कोही पनि सुकुम्वासी हुकुम्वासीको पक्षमा छैनौं।’
काठमाडाैँ महानगरपालिकाले थापाथलीकाे सुकुम्वासी बस्ती खाली गर्न भन्दै सूचना जारी गरेकाे थियाे । त्यहाँबाट स्थानीयहरू नहट्ने देखिएपछि साेमबार महानगरले प्रहरी परिचालन गरेकाे थियाे ।
डाेजरसहित पुगेकाे महानगरकाे टाेली र स्थानीयबीच झडपसमेत भएकाे थियाे । उनीहरूले महानगरका मेयर बालेन साह र गृहमन्त्रीविरुध्द चर्को नारावाजी गरेका थिए । त्यसयता थापाथलीका सुकुम्वासीहरू आन्दाेलित छन्।
टिप्पणीहरू