धादिङमा ७० वर्षीय बृध्दको भीरबाट लडेर मृत्यु
धादिङको नीलकण्ठ नगरपालिका वडा नम्बर २ भुलभुलेका टेकबहादुर थापा मृत भेटिएका छन् ।
हिजो बिहान वडा कार्यालय जान्छु भन्दै घरबाट निस्किएका ७० वर्षीय थापा गएराती भीरबाट लडेर मृत्यु भएको अवस्थामा भेटिएका हुन् । प्रहरीका अनुसार रातीसम्म घर नपुगेपछि खोजी गर्ने क्रममा वडा नम्बर २ कै झ्यापुङ खोला नजिकै भीरबाट लडेको अवस्थामा भेटिएका थिए ।
भीर भएको ठाउँको बाटोबाट करिब तीन सय मीटर तल थापाको शव भेटिएको जिल्ला प्रहरी कार्यालय धादिङका नायव उपरीक्षक श्यामबहादुर खत्रीले जानकारी दिए। थापाको शव अहिले पोस्टमार्टमको लागि धादिङ अस्पताल ल्याइएको छ ।
टिप्पणीहरू