आगामी राष्ट्रपतिमा चर्चालगत्तै उपराष्ट्रपति विराटनगर प्रस्थान
उपराष्ट्रपति नन्दबहादुर पुन हिजो अपरान्ह विराटनगर जानुभएको छ ।
उपराष्ट्रपति कार्यालयका अनुसार उहाँ बुध्द एअरको उडानमा अपरान्ह सवा ४ बजे तीन सदस्यीय टोलीसहित विराटनगरतर्फ उड्नुभएको हो ।
गत सातादेखि आगामी राष्ट्रपतिमा उहाँको चर्चा चलाइएको छ । माओवादी केन्द्रका अध्यक्ष पुष्पकमल दाहाल प्रचण्डले गत साता सुकुटे पुगेर आगामी राष्ट्रपतिमा पुनलाई अघि सार्ने सम्भावनावारे सामान्य टिप्पणी गर्नुभएको थियो ।
सो क्रममा सभामुख अग्निप्रसाद सापकोटा पनि हुनुहुन्थ्यो । स्रोतका अनुसार सापकोटा आफू पनि राष्ट्रपतिको निम्ति चाहना राख्नुभएकामध्ये एक जना हुनुहुन्छ । यता नेकपा एकीकृत समाजवादीका सम्मानित नेता झलनाथ खनालले पनि चाहना राख्नुभएको बुझिएको छ । उहाँले गत बिहीबार अध्यक्ष प्रचण्डसँग त्यसबारे कुरा गर्नुभएको खुमलटार स्रोतले बताएको छ ।
टिप्पणीहरू