नेपाल-भारत दुईतिरबाटै ढुंगा हानाहान
नेपाल-भारत सीमानामा रहेको महाकाली नदी किनार भारतीय र नेपालीबीच ढुंगा हानाहान भएको छ । दार्चुला सदरमुकाम पारी रहेको भारतीय बजार धार्चुला छेउबाट नेपालतर्फ ढुंगा हानिएको बताइन्छ ।
सीमानामा रहेको महाकाली नदीको धार परिवर्तन गर्ने उद्देश्यले किनारमा तटबन्ध बनाइएपछि स्थानीय नेपालीले विरोध जनाउँदै आएका छन् । तर हिजो भारतीय पक्षले पारिबाट वारीसम्म निरन्तर ढुंगा हानेको स्थानीयले बताए ।
सो क्रममा ढुंगा लागेर नेपाली बालक घाइते भएका छन् । त्यसपछि बाध्य भएर आफूहरुले पनि पारि ढुंगा हानेको स्थानीयले बताए । महाकालीमा पछिल्लो समय भारतीय सुरक्षाकर्मीले तुइन काटेर नेपालीलाई नदीमा खसाली बेपत्ता बनाउनेलगायतका अमानवीय कार्य गर्दै आएका छन् ।
टिप्पणीहरू