मधेशमा सिके राउतले खोजे मुख्यमन्त्री

मूलधारकाे राजनीतिमा आएर पहिलाे पटक चुनावमार्फत राष्टृय पार्टीमा दर्ज हुन लागेकाे सिके राउत नेतृत्वकाे जनमत पार्टीले मधेश प्रदेश सरकारकाे नेतृत्व पाउनुपर्ने माग राखेको बुझिएको छ । जसपा अध्यक्ष उपेन्द्र यादवलाई चुनावमा हराएर सप्तरीबाट राजधानी हान्निएका सिके अहिले सत्तागठबन्धनसँग सत्ताराेहणकाे हिसाबकिताबमा ब्यस्त भइरहँदा उनकाे दलले मधेश प्रदेश सरकारमा मुख्यमन्त्री मागेकाे श्रोतको दावी छ । जनमत पार्टीले प्रदेशसभाका ६ निर्वाचन क्षेत्रमा जीत हासिल गरेकाे छ ।

पुराना दलले मधेशकाे माग सम्बाेधन गर्न नसकेकाले नेतृत्वमा नयाँ अनुहार खाेजेकाे   बताउँदै जनमतले सत्ता गठवन्धनसँग मधेश प्रदेश सरकारकाे नेतृत्व आफूले पाउनुपर्ने दावी गरेकाे हो । मूलधारकाे राजनीतिमा आउनुअघि उनी देश टुक्रयाउने मुद्दासहित मधेशमा सकृय थिए ।

१ सय ७ सदस्यीय मधेस प्रदेशसभामा ६४ जना प्रत्यक्ष निर्वाचित भएका छन् । मधेस प्रदेशसभामा एमाले प्रत्यक्षतर्फ १५ सिट जितेर सबैभन्दा बढी सिट जित्ने दल बनेको छ । मधेश प्रदेशसभामा कांग्रेसले १३,जसपाले ९, लोकतान्त्रिक समाजवादी पार्टीले ७ सिट जितेकाे छ । माओवादी केन्द्र र एकीकृत समाजवादीका ४-४ जना निर्वाचित भएका छन् । मधेस प्रदेशसभामा ६ जना भने स्वतन्त्रबाट विजयी भएका छन् । 

सत्ता गठवन्धनका सबै दलले मधेश प्रदेश सरकारकाे नेतृत्व दावी गरिरहेका छन् । प्रत्यक्षमा १३ सिट जितेकाे नेपाली कांग्रेसले मुख्यमन्त्री आफूले पाउनुपर्ने दावी गरेकाे छ । ४ - ४ सिट जितेकाे समाजवादी र माओवादी केन्द्रले पनि मुख्यमन्त्री दावी गरेकाे बताउँदै एमालेका मधेश प्रदेश सांसद रामचन्द्र मण्डल भन्छन् - "पहिलाे दल भएकाे नाताले एमालेले पनि मुख्यमन्त्री दावी गर्ने भैगयाे । " 

एमालेसँग चुनावी गठबन्धन गरेकाे जसपाले पनि एमालेसँगकाे सहकार्य चुनावसँगै सकिएकाे उद्घाेष गरेर मधेश प्रदेश सरकारकाे नेतृत्व दावी गरेकाे छ । जसपाले मधेश प्रदेशसभामा ९ सिट जितेकाे छ । सत्ता गठवन्धनकाे एक घटक ७ सिट जितेकाे लाेसपाले समेत प्रदेश सरकारकाे नेतृत्व दावी गरेकाे एमाले नेता मण्डलले बताए । 

"प्रत्यक्षतर्फ २९ सिट जितेको सत्ता गठबन्धनले समानुपातिकतर्फ करिब २० सिट ल्याउने आकलन गरिएको छ । प्रत्यक्षतर्फ २२ सिट जितेको एमाले–जसपा–राप्रपा गठबन्धनले समानुपातिकमा १९ सिट पाउने आकलन गरिएको छ । त्यसैगरी प्रत्यक्षतर्फ ६ सिट जितेको जनमत पार्टीले समानुपातिकमा करिब ४ सिट पाउने देखिन्छ । प्रदेशसभाको सत्ता समीकरणको अंकगणित मिलाउन जनमत पार्टीको सिट संख्या निर्णायक हुने देखिन्छ । स्वतन्त्र ६ सांसद पनि मधेसको सत्ता समीकरणमा निर्णायक हुन सक्छन् ।"

 

मधेश प्रदेश सरकार गठनका लागि ५४ सांसदकाे आवश्यकता पर्छ । सत्तागठवन्धन,जसपा र जनमत मिलेकाे खण्डमा प्रदेश सरकार गठनका लागि याे सँख्या सहजै पुग्ने छ । तर सबै दल सरकारकाे नेतृत्व गर्न तँछाड मछाड गर्दा यसकाे फाइदा एमालेले उठाउन सक्छ । तर एमालेलाई सरकार गठन गर्न सजिलाे भने देखिँदैन ।

अहिले जसपा - लाेसपा गठवन्धनकाे सरकार रहेकाे मधेश प्रदेशमा सिके राउतकाे जनमत पार्टी नयाँ सरकार गठनका लागि चाबीकाे रूपमा रहेकाले पनि उसले प्रदेश सरकारकाे नेतृत्व दावी गरेकाे बताउँछन् एमालेका प्रदेश सांसद रामचन्द्र मण्डल । भन्छन् , मधेशमा लाेसपाले कांग्रेस नेतृत्वकाे सरकार स्वीकार गर्दा जनमत , जसपा र स्वतन्त्र उम्मेदवारहरू एमालेकाे पक्षमा आउनेमा हामी आशावादी छाैँ । " 

मधेस प्रदेशमा समानुपातिकतर्फको सिट बाँडफाँट नटुंगिए पनि सीके राउत नेतृत्वको जनमत पार्टी निर्णायक बनेको छ । प्रत्यक्षतर्फ २९ सिट जितेको सत्ता गठबन्धनले समानुपातिकतर्फ करिब २० सिट ल्याउने आकलन गरिएको छ । प्रत्यक्षतर्फ २२ सिट जितेको एमाले–जसपा–राप्रपा गठबन्धनले समानुपातिकमा १९ सिट पाउने आकलन गरिएको छ । त्यसैगरी प्रत्यक्षतर्फ ६ सिट जितेको जनमत पार्टीले समानुपातिकमा करिब ४ सिट पाउने देखिन्छ । प्रदेशसभाको सत्ता समीकरणको अंकगणित मिलाउन जनमत पार्टीको सिट संख्या निर्णायक हुने देखिन्छ ।  स्वतन्त्र ६ सांसद पनि मधेसको सत्ता समीकरणमा निर्णायक हुन सक्छन् ।

मुख्यमन्त्रीमा क-कसकाे दाबी ? 

सत्ता गठबन्धनको सरकार बन्ने अवस्था आएमा कांग्रेसका प्रदेश सभापति कृष्णप्रसाद यादव प्रमुख दावेदार हुन् । संविधानसभा सभासदसमेत रहेका यादव रौतहट १ (२) बाट निर्वाचित भएका थिए ।  उनीबाहेक प्रदेशका पूर्वमन्त्री रामसरोज यादव र पर्सा कांग्रेसका सभापति जनार्दनसिंह क्षत्री पनि मुख्यमन्त्रीका आकांक्षी हुन् । 

एमालेले भने मुख्यमन्त्रीकाे उमेदवार आधिकारिक रूपमा निर्णय नगरेपनि महाेत्तरीबाट निर्वाचित प्रदेश सांसद सराेजकुमार यादव आफू दाबेदार रहेकाे बताउँछन् । यादव एमाले महाेत्तरीका ईञ्चार्ज तथा केन्द्रीय सदस्यसमेत हुन् । जसपाले चाहिँ  सत्ता गठबन्धनसँग निकटता बढाउँदै हालका मुख्यमन्त्री लालबाबु राउतलाई निरन्तरता दिने भएकाे स्राेत बताउँछ । समाजवादी,जनमत , माओवादी र लाेसपाले भने मुख्यमन्त्रीकाे उम्मेदवारबारे निर्णय गरिनसकेकाे जनाएका छन् ।