‘आत्मदाह’ गरेकी पुष्पाको आत्मा शान्तिका लागि द्वीप प्रज्वलन

मंगनी टुटेपछि आइतबार केटाकै घरमा गएर ‘आत्मदाह’ गरेकी पुष्पा न्यौपानेको आत्मा शान्तिका लागि माइतीघर मण्डलामा द्वीप प्रज्वलन गरिने भएको छ । 

२७ वर्षीया न्यौपानेको आत्मा शान्तिका लागि आज बेलुका ५ बजे माइतीघरमा द्वीप प्रज्वलन गर्न लागिएको हो । 

न्यायका लागि बुलन्द आवाज उठाउने घोषणा गर्दै आयोजकले सबैलाई कार्यक्रममा उपस्थित हुन आह्वान गरेका छन् । 

दरबारमार्गस्थित केल्मी ब्राण्डको शोरुम सञ्चालिका न्यौपानेले आइतबार साँझ ‘आत्मदाह’ गरेकी हुन् । धुम्बाराहीका सुदन संग्रौलासंग मंगनी टुटेपछि उनले केटाकै घरमा गएर ज्यान दिएकी थिइन् । 

सुदनकै घरको ढोकाअगाडि शरीरमा पेट्रोल छर्किएर आगो लगाएकी उनको कीर्तिपुरस्थित बर्निङ सेन्टरमा उपचारको क्रममा भोलिपल्ट मृत्यु भएको हो ।