विदेशमा छँदा पनि अश्लिल म्यासेज गर्नेलाई प्रहरीले छाडेन

सामाजिक सञ्जालमा अश्लिल शब्दको प्रयोग गरेर म्यासेज गर्ने गरेको आरोपमा एक व्यक्ति पक्राउ परेका छन् । 

रुपन्देहीको सिद्धार्थनगर नगरपालिका–११ नौदिहवा घर भई वैदेशिक रोजगारीका लागि दुबईमा रहेका विश्वनाथ कुर्मी अश्लिल म्यासेज गरेर अरुलाई दुःख दिएको अभियोगमा समातिएका हुन् । सामाजिक सञ्जाल फेसबुकमार्फत साथी बनाई अश्लिल संवादको अभिलेख पठाई मानसिक दुःख तथा हैरानी दिएको आरोपमा उनलाई नियन्त्रणमा लिइएको प्रहरीले जनाएको छ । 

कुर्मीलाई दुबईबाट नेपाल फर्किने क्रममा त्रिभुवन अन्तर्राष्ट्रिय विमानस्थलबाट प्रहरीले नियन्त्रणमा लिएको हो । विद्युतीय कारोबार ऐन, २०६३ अन्तर्गतको कसूरमा काठमाडौँ जिल्ला अदालतबाट पक्राउ अनुमति लिई ब्यूरोबाट खटिएका टोलीले उनलाई समातेको हो । 

अदालतबाट थप चार दिनको म्याद थप गरी आवश्यक अनुसन्धान भइरहेको प्रहरीले जनाएको छ ।