चितवनमा डेढ मुठा हजार दरका जाली नोट, ४२ वर्षे महिला पक्राउ
प्रहरीले चितवनमा झण्डै डेढ लाख रुपैयाँ बराबरको जाली नोटसहित एक जनालाई नियन्त्रणमा लिएको छ । गोप्य सूचनाको आधारमा प्रहरीले कालिका नगरपालिकाबाट गंगा तामाङलाई अस्ति साँझ पक्राउ गरिएको बताइएको छ ।
इलाका प्रहरी कार्यालय टाँडीबाट खटिएको टोलीले कालिका नगरपालिका १ की ४२ वर्षीया गंगा तामाङको डेरा कोठाबाट जाली नोट लुकाइ छिपाई राखेको अवस्थामा एक हजार दरका एक सय ३७ थान फेला पारेको हो ।
उनलाई चितवन जिल्ला अदालतबाट पक्राउ मितिबाटै लागु हुनेगरी मुद्रा सम्बन्धी कसूरमा म्याद थपको अनुमति लिएर थप अनुसन्धान भइरहेको जानकारी दिइएको छ ।
ट्रेन्डिङ पोस्ट
टिप्पणीहरू