को–को श्रीमान घर जान लागे क्रमशः

सर्वाेच्च अदालतमा प्रधानन्यायाधीशको पदसँगै पाँच जना न्यायाधीशको पद रिक्त रहेकै उच्च अदालतमा समेत चार दर्जन पद खाली हुन पुगेका छन् । कायममुकायम प्रधानन्यायाधीश हरिकृष्ण कार्कीले आफू कन्फर्म नभएसम्म ठूला निर्णय नगर्ने अडान लिएका कारण यस्तो अवस्था आइलागेको हो । 

नयाँ संसद आएको पाँच महिना बितिसक्दासमेत संवैधानिक परिषद्को बैठक बस्ने र प्रधानन्यायाधीशको सिफारिस हुने काम नभएका कारण न्यायालयका सम्पूर्ण महत्वपूर्ण काम ठप्पप्रायः छन् । संवैधानिक परिषद्सम्बन्धी ऐनमा संशोधन हुन नसकेका कारण उसले नियुक्त गर्न नसकेको अवस्था सिर्जना गरेर प्रधानन्यायाधीश पद खाली राखिएको आलोचकहरूको टिप्पणी छ । पर्याप्त संख्यामा न्यायाधीश नहु“दा उच्च अदालतमा समेत मुद्दा फस्र्याेटमा समस्या देखिएको र मुद्दा पेशीको पालो नै नआउने अवस्था सिर्जना हुन पुगेको छ । 

कार्कीले नेतृत्व सम्हालेको सात महिना बितिसकेको छ भने १४ महिनादेखि न्यायालय कायममुकायमको भरमा चलेको छ । तत्कालीन प्रधानन्यायाधीश चोलेन्द्रसमशेर जबरामाथि २०७८ साल फागुन १ मा प्रतिनिधि सभामा दर्ता भएको महाभियोगको प्रस्तावपछि न्यायालय कामुको भरमा चल्न थालेको हो ।

राणाविरुद्ध महाभियोग दर्तासँगै कामु बनेका दीपककुमार कार्कीले भदौ १६ मा अवकाश पाएपछि कार्की दोस्रो कायममुकायम छन् । राणाले मंसिर २७ मा अवकाश लिएपछि कार्कीमा सम्पूर्ण नेृतत्वदायी भूमिका सरेको छ ।

अबको ४ महिनाभित्रै न्यायाधीश टंक मोक्तान र अनिल सिन्हासँगै कायममुकायम कार्कीले समेत अवकाश पाउने भएकाले तत्कालै नियुक्तिहरूमा नयाँ प्रबन्ध नहुने हो भने मुद्दा फस्र्याेटमा गम्भीर असर पर्ने पक्का छ । आगामी एक वर्षमा अरु चार जना न्यायाधीशले अवकाश पाउने भएकाले नया“ न्यायाधीशले काम सम्हालेर मुद्दालाई अघि बढाउन शुरु नगर्ने हो भने न्यायालयमा शून्यता आउन सक्ने सम्भावना बढेको पनि कानुनविद्हरू बताउ“छन् ।

करका मुद्दामा विशेषज्ञता हासिल गरेका सिन्हा र देवानी मुद्दामा दख्खल राख्ने टंक मोक्तानको अभावमा न्यायालयमा ठूलै समस्या देखा पर्न सक्ने बुझिएको छ । कायममुकायम प्रधानन्यायाधीश कार्कीसमेत इमान्दार न्यायाधीशमा पर्ने भएकाले भविष्यमा हुने अवकाशपछि न्यायालयमा झनै शून्यता आउनसक्ने कानुनविद्को दावी छ ।

मुद्दा बुझेका न्यायाधीशहरू तत्कालै नियुक्ति गर्ने र उनीहरूबाट तदारुकतासाथ काम नगर्ने हो भने अबको एक वर्षमा मुद्दाको संख्या ५० हजारभन्दा माथि पुग्ने र पेशीको होइन, तारेखको पालोसमेत नपाउने अवस्था आउन सक्ने बताइन्छ ।