भाइ कुटेपछि बाबुलाल भरुवा बन्दुकसहित समातिए
मकवानपुरमा एकनाले भरुवा बन्दुकसहित प्रहरीले एक जनालाई पक्रेको छ । मकवानपुरगढी गाउँपालिका–७, दुम्सिडाँडाका ३० वर्षीय बाबुलाल थिङ भरुवा बन्दुकसहित समातिएका हुन् ।
जग्गाको विषयमा बाबुलाल र उनका भाईबीच विवाद चर्किंदा बाबुलालले आफ्नै भाइलाई कुटेर घाइते बनाएका थिए । इलाका प्रहरी कार्यालय मकवानपुरगढीबाट खटिएको टोलीले उनलाई हिजो दिउँसो उक्त बन्दुकसहित नियन्त्रणमा लिएको बताइएको छ ।
पक्राउ परेका थिङमाथि थप अनुसन्धान भइरहेको छ ।
टिप्पणीहरू