क्लबको ट्वाइलेटमा पेस्तोल र गोली
बाँकेको नेपालगञ्जमा पेस्तोल र गोलीसहित एक जना समातिएका छन् ।
बर्दियाको बाँसगढी नगरपालिका–८ का २८ वर्षीय सुमन रिजाललाई पेस्तोल र गोलीसहित प्रहरीले नियन्त्रणमा लिएको बताइएको छ ।
जिल्ला प्रहरी कार्यालय बाँकेबाट खटिएको टोलीले नेपालगञ्ज उपमहानगरपालिका–१२ स्थित किङ क्रस क्लबबाट उनलाई एक थान स्वचालित पेस्तोल र एक राउण्ड गोलीसहित गएराति पक्रेको हो ।
क्लबमा झगडा भइरहेको सूचना पाएपछि चेकजाँच गर्न गएको प्रहरीले क्लबको ट्वाइलेटमा लुकाईछिपाई राखेको अवस्थामा पेस्तोल फेला पारेको बताइएको छ ।
यस सम्बन्धमा थप अनुसन्धान भइरहेको प्रहरीले जनाएको छ ।
ट्रेन्डिङ पोस्ट
टिप्पणीहरू