बालकृष्ण खाँण थप चार दिन हिरासतमै रहने

नक्क्ली भुटानी शरणार्थी प्रकरणमा पक्राउ परेका नेपाली काँग्रेसका नेता तथा पूर्वगृहमन्त्री बालकृष्ण खाँण थप चार दिन हिरासतमा रहने भएका छन् । 

गत बिहीबार पक्राउ परेका खाँणमाथि अनुसन्धान नसकिएकाले प्रहरीले चार दिन म्याद थप गरेपछि कम्तिमा त्यतिञ्जेल उनी हिरासतमा बस्नुपर्ने भएको हो । प्रहरीले जिल्ला अदालत, काठमाडौंबाट आज चार दिन हिरासतमा राख्ने अनुमति पाएको हो । 

यसअघि लिएको तीन दिनको म्याद आजै सकिदै थियो ।  

सर्वसाधारण नेपालीलाई भुटानी शरणार्थी बनाएर अमेरिका पठाउने भन्दै करोडौँ कुम्ल्याउने गिरोहमा राजनीतिक तथा प्रशासनिक व्यक्तिहरुको संलग्नता खुलेको छ । यस प्रकरणमा खाँण, एमाले उपाध्यक्ष तथा पूर्वगृहमन्त्री रामबहादुर थापा बादलका तत्कालीन सुरक्षा सल्लाहकार इन्द्रजित राई, तत्कालीन गृहसचिव टेकनारायण पाण्डे,  एमाले सचिव टोपबहादुर रायमाझीका छोरा सन्दिपसहित १२ जना पक्राउ परेका छन् । 

उनीहरु सबैलाई आज चार दिनको म्याद थप गरिएको छ ।