स्कुलको दानपेटीका समेत छोडेन चोरले

कास्कीको माछापुच्छ्रे माध्यमिक विद्यालयमा चोरी भएको छ । 

आज दिउँसो विद्यालयको लेखा शाखामा पसेर चोरले दानपेटीकामा रहेको नगदसहित जिन्सी सामान निकालेको हो । पाँच थान ल्यापटप, दान पेटीकाभित्र रहेको करिब १२ हजार रुपैयाँ र एक थान साउण्ड बक्स चोरी भएको प्रहरीले जनाएको छ । 

चोरीमा संलग्न व्यक्तिको खोजी हुनुका साथै यस सम्बन्धमा आवश्यक अनुसन्धान भइरहेको प्रहरीले जानकारी दिएको छ ।