सर्लाहीका रामविश्राम जाली नोटसहित वीरगञ्जमा फेला
पर्सामा नक्कली नोटसहित एक युवक पक्राउ परेका छन् । सर्लाहीको बरहथवा नगरपालिका-.५ रामजानकी टोलका ३० वर्षीय रामविश्राम महतोलाई प्रहरीले नक्कली नोटसहित समातेको हो ।
ईलाका प्रहरी कार्यालय नगवाबाट खटिएको प्रहरी टोलीले महतोलाई वीरगञ्ज महानगरपालिका-१६ नगवा चोकबाट ३८ थान नक्कली नेपाली नोटसहित गएराति नियन्त्रणमा लिएको जनाएको छ ।
प्रहरीका अनुसार उनको साथबाट एक हजार दरका ८ थान र ५ सय दरका ३० थान गरी जम्मा ३८ थान नक्कली नोट बरामद गरिएको छ ।
पक्राउ परेका उनीमाथि आवश्यक अनुसन्धान भइरहेको प्रहरीले जनाएको छ ।
ट्रेन्डिङ पोस्ट
टिप्पणीहरू