शेरबहादुर शेरचनकाे घरमा जुवा खेल्नेलाई खालबाटै उठाईयो

काठमाडौँमा जुवा खेलिरहेका एक दर्जन जुवाडे खालबाटै समातिएका छन् । 

शान्तिमार्गस्थित शेरबहादुर शेरचनको घरमा जुवा खेलिरहेको अवस्थामा उनको घरमा डेरा गरी बस्ने ५२ वर्षीय दिनेश शेरचनसहित १३ जनालाई प्रहरीले पक्राउ गरेको हो । विशेष सुराकीका आधारमा प्रहरी वृत्त कालीमाटीबाट खटिएको प्रहरी टोलीले हिजो साँझ उनीहरुलाई नियन्त्रणमा लिएको जनाएको छ । 

प्रहरीले उनीहरुको साथबाट १ लाख ६७ हजार रुपैयाँ नगद, १६ तासबुक, जुवा खेल्न प्रयोग भएको विभिन्न रङका १ सय १९ थान कोईन र जुवाको हिसाब राखेको कपी समेत बरामद गरेको छ । 

 पक्राउ परेका १३ जनामाथि आवश्यक जाँचबुझ भइरहेको प्रहरीले जानकारी दिएको छ ।