तत्कालीन महानिर्देशकविरुद्ध भ्रष्टाचार मुद्दा, साढे तीन करोड बिगो दाबी

जलस्रोत तथा सिँचाई विभागका तत्कालीन महानिर्देशक मधुकर प्रसाद राजभण्डारीविरुद्ध भ्रष्टाचार मुद्दा दायर गरिएको छ । अख्तियार दुरुपयोग अनुसन्धान आयोगले राजभण्डारीविरुद्ध तीन करोड ५६ लाख ७७ हजार ३४६ रुपैयाँ बिगो दाबी गर्दै मुद्दा दायर गरिएको बताएको छ ।

आयोगका सहायक प्रवक्ता देवीप्रसाद थपलियाका अनुसार २०५१ चैत ३० देखि २०७९ भदौ ३१ सम्म सरकारी सेवामा रहेका राजभण्डारीले उक्त रकम बराबरको भ्रष्टाचार गरेको निश्कर्ष निकालिएको हो ।

उनको वैधानिक आम्दानी तीन करोड ८५ लाख ५१ हजार ७४० रुपैयाँ आम्दानी भएपनि कुल सात करोड ४२ लाख २९ हजार ८६ रुपैयाँको सम्पत्ति र नगद भएको देखिन आएपछि विशेष अदालत काठमाडौंमा मुद्दा दर्ता गरिएको हो ।