टिकटके साथीले सुन चोरेपछि...

स्याङ्जामा सुन चोरेको आरोपमा प्रहरीले एक महिलालाई पक्राउ गरेको छ । पर्वतको मोदी गाउँपालिका ३, निवासी २४ वर्षीया कुसुम विकलाई सुन चोरीको आरोप पक्राउ गरिएको बताइएको छ ।

विकले स्याङ्जाको वालिङ नगरपालिका ६, निवासी एक महिलालाई टिकटकमा साथी बनाएका थिए । साथीको नाता लगाउँदै विक उनको घर पुगेर गरगहना चोरेकी हुन् ।

गहना चोरेपछि फरार भएकी उनलाई सुन पसलमा बेच्दै गरेको अवस्थामा प्रहरीले पक्राउ गरेको हो । घटनाबारे थप अनुसन्धान भइरहेको जिल्ला प्रहरी कार्यालय स्याङ्जाले जनाएको छ ।