प्रेमी, प्रेमिका दुवै चोरीमा संलग्न

काठमाडौंमा चोर्दै हिँडेका प्रेमी प्रेमिकालाई प्रहरीले पक्रेको छ । चोरीको सामानसहित उनीहरुलाई प्रहरीले हिजो साँझ नियन्त्रणमा लिएको बताइएको छ ।

पक्राउ परेका प्रेमी काठमाडौं–१ नक्सालका ३९ वर्षीय सुवोध श्रेष्ठ हुन् । उनकी प्रेमिका काठमाडौं–१६ की १९ वर्षीया रोशनी महर्जन पनि प्रहरीको नियन्त्रणमा पुगेकी छन् । रातको समयमा विभिन्न पसलमा चोरेकोे ११ थान ल्यापटप र मोबाइलसहित उनीहरुलाई पक्राउ गरेको प्रहरीले बताएको छ ।

प्रेमी र प्रेमिकासमेत रहेका उनीहरुविरुद्ध थप अनुसन्धान भइरहेको जिल्ला प्रहरी कार्यालय, काठमाडौंले जनाएको छ ।