नक्कली भुटानी शरणार्थी प्रकरणमा पक्राउ पर्नेको संख्या १९ पुग्यो

नक्कली भुटानी शरणार्थी प्रकरणमा संलग्न भनिएका एक जना फरार प्रतिवादी पक्राउ परेका छन् । प्रहरीले उनलाई आज काठमाडौंको मण्डिखाटार क्षेत्रबाट नियन्त्रणमा लिइएको जनाइएको छ । 

२४ वर्षीय आशिष बुढाथोकी पक्राउ परेको जिल्ला प्रहरी परिसर, काठमाडौंले जनाएको छ । फरार प्रतिवादीहरुको खोजतलास गर्ने क्रममा बुढाथोकी पक्राउ परेका हुन् । प्रहरी अनुसन्धानको क्रममा ठगी गरिएकोमध्ये केही रकम उनको खातामा जम्मा भएको देखिएको छ । उक्त प्रकरणमा हालसम्म १९ जना पक्राउ परेका छन् । 

१६ जना पुर्पक्षको निम्ति कारागार चलान भएका छन् भने दुई जना जिल्ला अदालत काठमाडौंको आदेशपछि धरौटीमा छुटेका हुन् । अझै ११ जना फरार छन् ।