उपमेयरमाथि हातपातको आरोप लागेका एमाले नेता विमानस्थलमा पक्राउ

युवा संघका केन्द्रीय सदस्य तथा एमाले नेता हरि महतो जनकपुर एयरपोर्टबाट पक्राउ परेका छन् ।

गौशाला नगरपालिकाकी उपमेयर रेणुकुमारी महतोलाई अभद्र व्यवहार गरेको आरोपमा उनलाई प्रहरीले आज पक्राउ गरेको बताइएको छ । उपमेयर महतोको उजुरीको आधारमा हरिलाई जनकपुर एयरपोर्टबाट पक्राउ गरेर महोत्तरी पुर्याइएको छ । 

महोत्तरीका प्रहरी नायव उपरीक्षक दिलिपकुमार गिरीका अनुसार उपमेयरले दिएको उजुरीउपर छानबिन गरि आवश्यक अनुसन्धान प्रक्रिया अगाडि बढाउने तयारी गरिएको छ । 

हरिमाथि यसअघि पनि उपमेयरको कार्यकक्षमा प्रवेश गरी हातपातको प्रयास गरेको आरोप लागेको थियो ।