आमाको घाँटी रेटेर फरार कुपुत्र समातिए
पश्चिम नवलपरासीको सुनवल नगरपालिका–१३ मा छोराले आफ्नै आमाको हत्या गरेका छन् । स्थानीय ५० वर्षीय बुद्धिरानी मुसहरलाई उनका छोरा २५ वर्षीय शिवकुमारले घाँटी रेटेर मारेका हुन् ।
पारिवारिक विवादको क्रममा शिवकुमारले आमालाई घाँटीमा धारिलो हतियार प्रहार गरेर हत्या गरेको जिल्ला प्रहरी कार्यालय पश्चिम नवलपरासीका सूचना अधिकारी भोजराज पाण्डेले बताए । छोराले घाँटीमा सेरेपछी आमा मुसहरको घटनास्थलमै प्राण गएको प्रहरीले बताएको छ ।
शिवकुमार भने आमालाई आक्रमण गरेपछि भागेका थिए । उनलाई रुपन्देहीको गैडहवा गाउँपालिका–८ मैनाहवामा लुकिछिपी बसेको अवस्थामा आज प्रहरीले समातेको हो ।
आमा मार्ने शिवकुमारमाथि कर्तव्य ज्यान मुद्दामा अनुसन्धान चलिरहेको प्रहरीले जानकारी दिएको छ ।
ट्रेन्डिङ पोस्ट
टिप्पणीहरू