दुध पोखरीको पसलमा जुवा खेल्नेहरु पुलिसको कब्जामा

काठमाडौंको कीर्तिपुरमा ९ जना जुवाडे जुवाको खालबाटै समातिएका छन् । 

कीर्तिपुर नगरपालिका- ४ दुध पोखरीस्थित अजित विष्टको किराना पसलमा जुवातास खेलिरहेको अवस्थामा सोही ठाउँका ४२ वर्षीय मनोज विष्टसहित ९ जनालाई प्रहरीले नियन्त्रणमा लिएको हो । विशेष सुराकीका आधारमा प्रहरी वृत्त कीर्तिपुरबाट खटिएको प्रहरी टोलीले उनीहरुलाई गएराति नियन्त्रणमा लिएको जनाएको छ । 

प्रहरीले उनीहरुको साथबाट २४ हजार १ सय ८५ रुपैयाँ नगद र २ तासबुक बरामद गरेको छ । साथै, पक्राउ परेकामाथि थप आवश्यक अनुसन्धान भइरहेको जानकारी दिइएको छ ।