सीताको घरमा जुवाको खाल, लक्ष्मणसहित १० जना पक्राउ

काठमाडौंमा जुवाको खालबाट १० जना जुवाडे समातिएका छन् । काठमाडौं महानगरपालिका १०, शंखमूलस्थित सीता बस्नेतको घरमा जुवा खेलिरहेको अवस्थामा उनीहरु पक्राउ परेका हुन् 

जुवाको खालबाट धुम्बाराहीका २५ वर्षीय लक्ष्मण श्रेष्ठसहित १० जना समातिएको प्रहरीले जनाएको छ । विशेष सुरकीका आधारमा प्रहरी वृत्त वानेश्वरबाट खटिएको टोलीले उनीहरुलाई हिजो साँझ नियन्त्रणमा लिएको हो ।

जुवाडेको साथबाट दुई लाख ६५ हजार १२० रुपैयाँ नगद र १० बुक तास बरामद भएको छ । पक्राउ परेकामाथि थप अनुसन्धान थालिएको प्रहरीले जनाएको छ ।