काका मारेर भागेका प्रजापति खेलमैदानमा भेटिए

आफ्नै काकालाई कुटीकुटी मारेका निर्दयी भतिजो प्रहरीको फन्दामा परेको छ । ८१ वर्षीय काका कृष्णबहादुर प्रजापतिको हत्या गरेको अभियोगमा भक्तपुर नगरपालिका–९ सूर्यमणिका ३५ वर्षीय नुच्छे प्रजापतिलाई आज प्रहरीले पक्राउ गरेको छ ।

काकालाई मरणासन्न हुनेगरी कुटेर फरार रहेका नुच्छेलाई प्रहरी वृत्त जगातीबाट खटिएको टोलीले भक्तपुर नगरपालिका–७, महेश्वरी खेलमैदानबाट नियन्त्रणमा लिएको जनाएको छ ।    

यता, कुटपिटबाट गम्भीर घाइते भएका कृष्णबहादुरको ट्रमा सेन्टर हुँदै पाटन अस्पतालमा थप उपचारको क्रममा निधन भएको हो ।