रोल्पा सदरमुकाममा दिनदहाडै जुवा, खालबाटै जुवाडे नियन्त्रणमा

रोल्पामा पाँच जना जुवाडे जुवाको खालबाटै समातिएका छन् । रोल्पा नगरपालिका–४ लिबाङका ४४ वर्षीय सन्तोष सुनारको कोठामा जुवा खेलिरहेको अवस्थामा स्थानीय वडान नम्बर १० का ३३ वर्षीय कौशल खत्रीसहित पाँच जना प्रहरी खोरमा पुगेका हुन् ।  

विशेष सुराकीको आधारमा जिल्ला प्रहरी कार्यालय, रोल्पाबाट खटिएको टोलीले उनीहरुलाई नियन्त्रणमा लिएको जनाएको छ । प्रहरीले उनीहरुको साथबाट ६२ हजार २४५ रुपैयाँ नगद र तीन बुक तास बरामद गरेको छ । 

पक्राउ परेका पाँचै जनामाथि थप अनुसन्धान भइरहेको प्रहरीले बताएको छ ।