मीटरब्याज सम्बन्धी विधेयकमा लालमोहर लाग्यो
मीटरब्याज पीडितलाई न्याय दिन भन्दै ल्याइएको ‘मुलुकी संहिता सम्बन्धी केही नेपाल ऐनलाई संशोधन गर्ने विधेयक, २०८० लाई राष्ट्रपति रामचन्द्र पौडेलले प्रमाणीकरण गर्नुभएको छ ।
संघीय संसदका दुवै सदनबाट पारित भई प्रमाणीकरणका लागि शीतल निवास पुगेको उक्त विधेयकलाई राष्ट्रपति पौडेलले आज प्रमाणीकरण गर्नुभएको राष्ट्रपति कार्यालयकी प्रवक्ता शैलजा रेग्मी भट्टराईले जानकारी दिइन् । राष्ट्रपतिबाट प्रमाणीकरण भएसँगै अब उक्त विधेयकले कानुनको रुप लिएको छ ।
राष्ट्रियसभामा उत्पत्ति भएको उक्त विधेयक त्यहाँबाट पारित भएर प्रतिनिधिसभामा पठाइएको थियो । प्रतिनिधिसभाले संशोधनसहित पारित गरेर पुनः राष्ट्रिय सभा पठाएको विधेयक हिजो सभाले पारित गरेको थियो ।
ट्रेन्डिङ पोस्ट
टिप्पणीहरू