आइएमई पेले ल्यायो ‘प्रिटी उत्सव’

आइएमई पेले नयाँ अफर ल्याएको छ । कम्पनीले साउन महिनामा नारीहरुलाई लक्षित गर्दै ‘प्रिटी उत्सव’ अफर सार्वजनिक गरेको हो । 

जसअन्तर्गत प्रत्येक विजेतालाई प्रिटी क्लिकको पाँच हजारको भौचर प्रदान गरिने छ । 

कम्पनीले अफरमा भाग लिन सेवाग्राहीले अफर अवधिमा कम्तीमा एक पटक आइएमई पेमार्फत क्यूआर स्क्यान गरेर भुक्तानी गर्नुपर्ने जनाएको छ । 

अफर अवधिमा प्रत्येक पाँच दिनपछि गोलाप्रथामार्फत् दुई जना विजेता छनौट गरिने छ । विजेताहरुको नाम सामाजिक सञ्चालमार्फत घोषित गरिने जनाइएको छ । 

सेवाग्राहीले जुनसुकै क्यूआरमार्फत भुक्तानी गर्न सक्नेछन् । त्यस्तै, विजेताहरुले प्रिटी क्लिकमा गएर उक्त भौचरको प्रयोग गर्न सकिने कम्पनीले जारी गरेको विज्ञप्तिमा उल्लेख छ ।

यो अफर आइएमई पेको महिला सेवाग्राहीका लागि मात्र मान्य हुने र साउन ३२ गतेसम्म कायम रहने कम्पनीले जनाएको छ ।